🥇 तू फेकताच भाला!

नीरज चोप्राच्या भालाफेकीने ऑलिंपिक सुवर्णपदकाला गवसणी घातली आणि संपूर्ण भारतभर एकच जल्लोष झाला. हॉकीच्या सुवर्णकाळानंतर भारतासाठी सुवर्णपदक म्हणजे अप्राप्य गोष्ट झाली होती. भारताचं मागील सुवर्णपदक चक्क १३ वर्षांपूर्वी ( अभिनव बिंद्रा - 2008 बीजींग ऑलिंपिक - 10 मी. एअर रायफल). सोनं कमी नाही भारतात पण ऑलिंपिक सुवर्णपदकांची मात्र वानवा आहे.

भारतीय सेनेत असलेल्या नीरज चोप्राची गेल्या काही वर्षातील भालाफेक मधील कामगिरी उच्च श्रेणीची होती. २०१८ च्या आशियाई आणि कॉमन वेल्थ गेम मध्ये त्याला गोल्ड मेडल आहे. पण आपल्याकडे क्रिकेट सोडल तर बाकी खेळांना फारस ग्लॅमर नाही. लोकांना प्रेम चोप्रा, प्रियांका चोप्रा माहित असतात. पण नीरज चोप्रा नाव सर्वतोमुखी होण्यासाठी ऑलिंपिक सुवर्णपदक मिळवावं लागत.

नीरज, तू केलल्या दैदिप्यमान कामगिरीचा सर्व भारतीयांना सार्थ अभिमान आहे.

सोशल मीडिया तर नीरजच्या नावाने ओसंडून वाहत होता.नीरजच्या फॉलोव्हर्स ची संख्या २ लाखांवरून डायरेक्ट २० लाख. म्हणजे त्यात काही चुकीचं नाही. आपले आपापसात कितीही वाद असले तरी भारतीय तिरंग्याखाली सगळे एकत्र असतात. सुरुवातीच्या अर्ध्या तासात नीरजच गुणगाणं आणि मग सोशल मीडियावर राजकीय भालाफेक सुरु. मध्येमध्ये मिम्सचीही फेकाफेकी. ह्यामध्ये आपण भारतीय एकदम एक्स्पर्ट.😃

अजून एक गोष्ट होते, अचानक भालाफेक ह्या खेळाला ग्लॅमर प्राप्त होते. अ‍ॅमेझॉन इंडियावर भाले आउट ऑफ स्टॉक होतात, कारण अतिउत्साही पालकांनी ऑनलाइन ऑर्डर केलेले असतात. पुढच्या ऑलिंपिक पदकासाठी..... आणि महिन्याभरातच काही पालक त्या भाल्याचा उपयोग दोरीवर कपडे वाळत घालण्यासाठी करताना दिसतात. Oh! Darling That's My India. I Love My India.❤️

नीरज चोप्राचे पुन्हा एकदा अभिनंदन !!!

तू फेकलेला भाला करोडो भारतीयांच्या हृदयावर तुझं नाव सुवर्णाक्षरांनी कोरून गेलाय.👍