नेत्रा, वाढदिवसाच्या मन:पूर्वक शुभेच्छा!!! 💐

अजून १ वर्ष, वय ह्या खात्यात जमा झालं बुवा ! ५५ की ५६ याकडे लक्ष न देता जीवन इंटरेस्ट घेऊन जगायचं. तू बॅंकेतच नोकरीला आहेस म्हटल्यावर इंटरेस्टची चिंताच नाही. आनंदाचा ओव्हरड्राफ्ट तुला सदा लाभो! 👍

शाळेतली हुशार, तल्लख ( ऐकीव माहिती 😊) तू आजही तशीच आहेस. रहायला नवी मुंबईत गेलीस तरी मनातली काळाचौकी काही जाणार नाही. बिनधास्त रोखठोख स्वभाव असा की बॅंकेत अधिकारी असलीस तरी आमच्यासाठी 'नेत्राभाईच' ! 👊

बँकेतली खाती तू किती नीट सांभाळतेस माहीत नाही, पण 'मैत्रीखाती' मात्र छान जपलीयसं. त्याचबरोबर प्रापंचिक जबाबदाऱ्यादेखिल. आजीची भूमिका निभावण्यासाठी तुला चक्क दुबईहून बोलावणं आल होतं म्हणे. आणि हो तुझ्या मुलाची भारतीय नौदलात निवड झाली ही तुझ्यासाठी अजून एक अभिमानाची बाब. अगदी फिक्सड डिपॉझिट मध्ये ठेवण्यासारखे हे सुखाचे क्षण असतात, ज्यावर आनंदाच व्याज आयुष्यभर मिळत रहातं!

बर, आता माझा लंच ब्रेक आहे त्यामुळे काउंटर बंद करतो. तोपर्यंत मित्रमैत्रिणींना पार्टी देण्यासाठी बॅंकेची एखादी स्किम आहे का शोधून ठेव. लाभार्थी वाट पहात आहेत. 😀