मित्रौं वय वाढत तसं ऐकण्याची शक्ती कमी होते. म्हणून दुसऱ्याचं ऐकूनच न घेणे चुकीचं आहे. आज तुम्ही सारे पन्नाशीत पोहचलायत (मी थोडा लहान आहे..डोक्याने). शाळेत असताना प्रत्येकजण अभ्यासात हुशार नसेल पण आज प्रत्येकाला आयुष्याने काही धडे दिले आहेत. जीवनाच्या अनुभवातून प्रत्त्येकजण तावून-सुलाखून निघालेला आहे. त्यामुळे प्रत्येकाला अगदी खूप नाही पण पोटा-पाण्यापुरती अक्कल आलेली आहे.
आपल्या समूहाची स्थापना प्रत्यक्ष न भेटताही एकमेकांच्या संपर्कात राहण्याच्या उद्देशाने झाली आहे असा माझा तर्क आहे. पण जर मनानेच आपण एकेमेकांपासून दूर गेलो तर काय फायदा? आपला ग्रुप म्हणजे आनंदाच दुकान असल पाहिजे. एकमेकांना आनंद देणे आणि जमलं तर एकमेकांची दुःख समजून घेणे. अगदीच मिळमिळीत वातावरण झालं तर कधी कधी एकमेकांना चवीपुरत्या शिव्या देणे. ग्रुपचा एक अर्थ आहे एकत्र येणे.
ज्याप्रमाणे आपण अनावश्यक गोष्टी मोबाइलमधून डिलीट करतो त्याप्रमाणे मनातूनपण डिलिट करता आल्या पाहिजेत म्हणजे मनःस्ताप होत नाही. लगेच जमणार नाही पण शिकावं लागेल. एखाद्याच्या फॉरवर्ड्स /पोष्टवरून त्याच्याविषयी मत बनविणे टाळा. उदा.एखादा मित्र कायम अश्लील पोष्ट टाकत असेल तर असं समजू नये कि तो कायम विवस्त्र बसलेला असेल 🤪. कोणी पुण्याहून पोष्ट करत असेल तर तो सर्वज्ञ असेल किंवा कोणी अध्यात्मिक पोष्ट टाकत असेल तर तो सात्विक साधू असेल. (असेलही!)
मान्य आहे कधी कधी आपण अगदीच बालिश वागतो किंवा बालवाडीतले विनोद करतो. पण ठिक आहे ना, ह्या आभासी जगात थोड लहान व्हायला काय हरकत आहे? एरव्ही बाहेरच्या जगात आपण समजदार(?) असतोच ना! राजकारणाचं म्हणाल तर कुणी मोदी घ्या, कुणी पवार घ्या , ठाकरे घ्या... पण त्यांच्यासाठी एकमेकांना घेऊ नका रे ! प्रत्येकाने माझ्याचं पक्षात यावे हा दुराग्रह नको. आपल्याला जे काय समजत, कळतं ते पोष्ट केल्यावर, समोरच्याने ते मान्य केलेच पाहिजे हा अट्टाहास नको.
समर्थ रामदासांनी म्हटलचं आहे,
आपणासी जे जे ठावे ते ते
दुसऱ्यासी सांगावे
शहाणे करून सोडावे
सकळ जन...

विनायक7 years ago
किसन7 years ago
प्रदीप7 years ago
संजय डी.7 years ago
सुनील7 years ago
विलास पी.7 years ago
अवधूत7 years ago
विजय7 years ago
संजय के.7 years ago
दीपक7 years ago
रविदत्त7 years ago
विलास के.7 years ago
प्रकाश7 years ago
विकास सी.7 years ago
प्रसाद7 years ago
समीर7 years ago
विनोद7 years ago
अभिजित7 years ago
शैलेश के.7 years ago
दयानंद7 years ago
वसंत7 years ago
महेश7 years ago
नितीन7 years ago
अनिल7 years ago
नरेश7 years ago
तुमची प्रतिक्रिया लिहा