'अंधार चाळ' ते 'ईका इलिटास'

संजय, तुमचं ४ बीएचके चं प्रशस्त नवीन घर म्हणजे फक्त रेती, दगड आणि सिमेंटचं बांधकाम नाही, तर ते तुझं स्वप्न, तुझी मेहनत, तुझे नियोजन आणि कुटूंबियांची साथ याचं साकार रूप आहे. (कुटुंब आणि नियोजन शब्द जवळजवळ असले तरी इथे ते जोडू नका 😊) प्रेरणादायी असाच तुझा हा प्रवास आहे! लाल सलाम तुझ्या उंच भरारीला.

वास्तुशांती सोबत मातृ-पितृ पूजनाचा सोहळादेखिल केलास. मम्मीडॅडींच्या काळात असे समारंभ विरळाचं !

कृतज्ञता व्यक्त करताना ताईंनी तुमच्या बालपणीची हृदयस्पर्शी आठवण सांगितली. खरचं, अंधारचाळीत दिवसा-उजेडी अंधाराचे साम्राज्य असे. (याचा अनुभव मी शाळेत असताना एकदा शिव्या खाऊन घेतलायं 😃 ) आणि आज ईका इलिटासच्या १७ व्या मजल्यावरील तुझ्या घरी जेव्हा आम्ही पोहचलो तेव्हा पाहिले संधिप्रकाशाच्या सुवर्णकिरणांनी तुझ घर उजळून निघाले होतं. 👍

तुझ्या घराच्या ऐसपैस बाल्कनीतून दिसणारं ते हाय-वे चं विहंगम दृश्य. जणू खेळण्यातील गाड्या उतारावरून घरंगळत जातायतं अस वाटतं. दुर्दैवाने 😉 आपण दोघही 'अंगूर कि बेटी' च्या प्रेमात नाही, अन्यथा पावसाळी वातावरणात गझल ऐकत बाल्कनीत बसून स्वर्गीय आनंद घेता आला असता. असो ! तरीही आपण अमृततुल्य ☕ चहाचा घुटका आणि गरमागरम कांदाभजीवर समाधान मानू शकतो.

नविन घरात सुख, शांती समृद्धी लाभू दे. (आणि मोबाईलचं नेटवर्क घराच्या कोपऱ्या न् कोपऱ्यात येऊ दे ) हीच शुभेच्छा!!!💐