लेकुरे उदंड जाहली 👩‍🦲👶🏻👧🏻👶🏼...

मागील महिन्यात जाहीर झालेल्या संयुक्त राष्ट्रसंघाच्या 'जागतिक लोकसंख्या अहवालनुसार' भारताची लोकसंख्या १.४२८ अब्जच्या पुढे गेली आहे, जी चीनच्या लोकसंख्येपेक्षा थोडी जास्त आहे.

गेल्या काही वर्षांपासून सर्वाधिक लोकसंख्येचा विक्रम आपल्याला खुणावतच होता. अखेर भारतीयांनी तो रेकॉर्ड आपल्या नावे केला. अभिनंदन! अभिनंदन! अभिनंदन! त्रिवार अभिनंदन !!! काहिजण त्रिवार निषेधसुद्धा करू शकतात. मिचमिच्या डोळ्यांच्या चीनला आपण अगदी डोळे झाकून हरवले, हे मात्र खरं 😌

आता जे झालं ते झालं. त्यात कोण कोणाकडे बोट दाखवणार? वेळोवेळी भारत सरकारने लोकसंख्येला आळा घालण्यासाठी बरीच धोरणे राबवली. ८०च्या दशकात तर अगदी दूरदर्शनवर ओरडून ओरडून सांगितलं 'जरासी सावधानी, जिंदगीभर आसानी' पण आपण 'खतरोंके खिलाडी' 💪 मिश्र दुहेरीच्या ह्या खेळात लाजत-लाजत का होईना भारतीयांनी सांघिक विजेतेपद पटकावलेच.🏆

आमच्या पिढीने विक्रम तर आपल्या नावे केला आहे. तो टिकवायचा कि सोडून द्यायचा हे नवीन पिढीच्या हाती आहे. बाकी वाढत्या लोकसंख्येचे फायदे-तोटे गुगलवर सापडतीलच. पण विक्रम टिकवायचा असेल तर इंटरनेटवर वेळ वाया घालवू नका 😜